Below are the 20 most recent journal entries recorded in autanazgul's LiveJournal:

[ << Previous 20 ]

Sunday, October 4th, 2009
8:47 pm	М-дя Толькі адзін чалавек у свеце мог песню пра каву вытлумачыць як песню пра забойства. Я ў шоку. (3 Comments |Comment on this)
Wednesday, September 23rd, 2009
10:15 pm	"Мы в ответе за тех, кого приручили" Здаецца, некаму трэба пра мяне паклапаціцца.. Прынамсі, зараз мне гэта вельмі патрэбна.. (Comment on this)
Wednesday, September 16th, 2009
10:33 pm	Людзі вакол.. Людзі, якія ставяцца да цябе з бацькоўскай апекай. Людзі, якія заўсёды запытаюцца "Ну,? што такое...? Ідзі сюды, сыдай, раскайвай.." І ты раскайваеш, што там то і то, а там, так-та і так-та, і што навокал яно такое.. а насамрэч іншае.. І цябе абдымуць і скажуць не баяцца. І ты паверыш, што нічога страшнага насамрэч і няма. І страшнае сапраўды знікае.. Вось якія яны, харошыя людзі.. з добрымі рукамі, і шчырымі вачыма і.. і такія ўнутрана пяшчотныя.. Current Mood: Цёпла ад адной толькі думкі.. (Comment on this)
Tuesday, September 15th, 2009
11:27 pm	Душэўны народны спеў здольны ачысціць сотні кубаметраў спаскуджаных брудам, хламам і проста кепскай аўрай!! Ммяне гэта сёння выратавала ад вяяялікага загону, пачатага яшчэ тыдзень таму. Кожны дзень па вядры рознай нехарошай бякі + тонна за сёння.. Але зараз так лёгка на душы.. Разумныя яны былі, продкі. Пайду далей мурлыкаць сабе "Гоолуб на дубоочку, гоолубка на вышні.." Ай, харашо. Current Mood: Спяваю Current Music: Звініць у вушах (Comment on this)
Monday, August 31st, 2009
2:35 pm	Фігова, калі табе фігова. Адчуванне, што для іншых ты бомба, якая выбухае або гукам, або гістэрыкай. "Будзь спакайнейшай" А што гэта значыць? Будь проще, и к тебе потянутся люди.. Просто будь.. И просто будут люди.. Current Mood: Загруз Current Music: N.R.M. (Comment on this)
Saturday, June 13th, 2009
11:25 pm	Людзі з прастатой звычайнай здольныя перавярнуць горы пасміхаючыся. І выраз на твары будзе самы просты: а што тут такога? І гэтак будзе не толькі з гарамі, а з усімі рэчамі наогул, бо так павінна быць. У іх. Харошыя гэта людзі.. (1 Comment |Comment on this)
Sunday, May 31st, 2009
10:40 pm	Дзякуй Дзякуй, любы брацік, што не даў стаць мне алкаголікам! Дзякуй, што падставіў сваё моцнае плячо. Дзякуй за рэчку, у якой не хочацца купацца, але каля якой так прыемна сядзець.. І дзякуй кніжку, мне ўжо сто год ніхто не чытаў.. Слухаць, гэта так прыемна.. а я ўжо паспела і забыць як гэта, быць слухачом.. Дзякуй, што нагадаў (= (Comment on this)
Sunday, April 5th, 2009
10:00 pm	Скажи, дружок мой Вова, От чего мне так.. хреново.. Веня Д'ркин Але Вова такіх адказаў не ведае.. (Comment on this)
Friday, March 20th, 2009
10:11 pm	Тое, што многія доўга і нудна вырашаюць.. як апынулася вырашылі крышку без мяне.. А менавіта ў каго мне пісаць дыплом. З аднаго боку крыўдна, што без мяне, а з іншага - прынамсі ведаю, чаго чакаць ад чалавека. У дадатак, хаця б ёсць верагоднасць, што мой дыплом будзе насіць дызайнерскі характар. А гэта ўжо прыемна!! Вееельмі нават. А вось, пра дызайн.. Мне тут трэба на плане цэха 1:100 ў Аўтакадзе вядро намаляваць.. Якія будуць прапановы адносна яго дызайну?? Current Mood: artistic (4 Comments |Comment on this)
Sunday, February 22nd, 2009
10:41 pm	Яшчарка У нейкаторых казачках ахвяруюць талентамі.. дзеля кахання І ў жыцці, як апынулася, таксама ахвяруюць.. Мне не хочацца нічым ахвяраваць. Дастаткова проста любіць, проста быць побач, проста... Усё проста. Прынамсі так здаецца. А на практыцы нават і не заўважаеш, як губляецца нешта тваё ўнутранае, нешта такое каштоўнае-каштоўнае, нешта, што хацелася б захаваць праз усё жыццё. Ты чапляешся рукамі, але паспяваеш схапіць толькі за хвост яшчаркі. Гэта застаецца табе. Але яшчарка, злавіць якую, было асноўнай мэтай збегла. Збегла без звароту. А хвост застаўся табе, нібы напамін аб нечым былым важным.. Current Mood: Мама, я не могу больше пить... (Comment on this)
Sunday, February 15th, 2009
9:02 pm	Патлумачыць чалавеку як сябе прабачыць.. А сама-то не магу нават палюбіць сябе як мае быць... (Comment on this)
Friday, February 13th, 2009
11:17 pm	Тэрмін эксплуатацыі ліноліўма - 5 год, пасля ён пачынае выдзяляць розныя шкодныя таксічныя штукі.. Current Mood: Ржу не магу (Comment on this)
Thursday, February 5th, 2009
11:20 pm	Любіць, гэта значыць берагчы і паважаць чыйсці выбар, а не празмерна апякаць і забараняць усё настойліва прапаноўваючы свой варыянт Current Mood: happy Current Music: DORO (2 Comments |Comment on this)
Friday, December 19th, 2008
8:44 am	4х4 На гэтым тыдні з чацвера па нядзелю ў кінафармаце 4х4 ідзе ірладнскі фільм "Аднойчы". Гісторыя пра спевака фактычна з вуліцы і піяністку, якая аднойчы проходзіла міма. Абалдзенны фільм. Там не шмат глабальных дзеяў, але вельмі шмат жіццёвасці і жыццёвых, а не посных-студыйных выразаў твараў. Фільм прыгожы, просты і зразумелы. І вельмі пяшчотны.. Атрымаў "Оскара" за лепшую пёсню. Хто не сходзіць, той шмат што згубіць. Вельмі раю, пакуль не позна. Current Mood: artistic (2 Comments |Comment on this)
Sunday, December 14th, 2008
11:03 pm	Ігнор Памойму гэта ўжо пратэст. Калі з дзесятку народу, які кажа што рады бачыць, трэба сустрэцца, абавязкова сустрэцца, прагуляцца, але зараз часу няма, давай калі-небудзь, але я абавязкова патэлефануюю.. Ксенька, я абавязкова патэлефаную, заўтра, паслязаўтра або на крайняк у нядзелю! І тэлефон маўчыць. Мне аж няёмка пытацца, чаму.. што сталася. Калі адзін такі выпадак - ну, напэўна, заняты.. А калі такіх не адзін і не два? Закрадаецца думка, можа са мной што не так? Ці гэта з серыі - у яе ўсё добра, з ёй нецікава. Яна не зразумее. Ёй няма што сказаць, бо ў яе ўсё добра. Яна толькі ўсміхаецца. Вочы свецяцца і ўсміхаюцца. А так пустышка. Ці гэта глюк, пра ўсеагульную занятасць? "У цябе няма часу... " У мяне няма часу? Час гэта наогул ілюзія! І самая моцная адгаворка. І самая дурная. Мой прынцып, калі няма часу, трэба знайсці яшчэ пару заняткаў карысных і час абавязкова знойдзецца сам. І нават вольны застанецца. Таму ў мяне час заўсёды знойдзецца. Але час не дапаможа.. Бо, здаецца, я ўсім абрыдла, і мяне проста не хочуць бачыць. Current Mood: Расстроілася (6 Comments |Comment on this)
Friday, November 28th, 2008
10:00 pm	Чалавек А. Аляксандр Надсан -- гэта чалавек, пра якога складана распавесці. Яшчэ складаней апісаць. Гэта доўга. І ўсё адно падасца, што надта пуста, што нечага не хапае... Але гэта Чалавек, ад якога вее дабрынёй і духоўнасцю і... і Беларуссю, не зважаючы на тое, што тут ён бывае раз гадоў на 10. Я проста... слоў ня маю. Current Mood: hopeful (Comment on this)
Thursday, November 13th, 2008
11:42 pm	На стале стаіць шклянка з вадкасцю. Колер -- апельсінавы сок. А вот і не сок! Фарба. Нашуся паміж працай па кампазіцыі і аськай. А ў галаве шурумбурум. І я ведаю чаму. І я ведаю, хто. А хто корпаўся ў маёй галаве??? Ты. Толькі ты можаш туды залезці, пераварушыць усё і вылезці. Табе можна. Я нават не крыўдую. Проста часамі хочацца зафарбаваць гэты бардак чорным, чырвоным, салатавым у рэшце рэшт. Але я не буду зафарбоўваць слова, адрасаванае... і дасланае. Дзякуй (Comment on this)
Friday, October 24th, 2008
10:45 pm	Амаль нічога не зрабіла за дзень, але стамілася... Доўга думала, як жа схітрыцца зрабіць такую шафу, як мне трэба, там падправіш -- у іншым месцы нешта не тое выпаўзае.. Але я гэта зраблю! Усё адно прыдумаю як!! Я разумная -- значыцца саабражу. Сёння ўбачыла свой партрэт у выкананні аднагрупнікаў. Гы! Амаль вядзьмарка, гэткая ж страшная!! Нехта маляваў ад душы ( у харошым сэнсе гэтага выразу)!! Аж прыемна стала. Мне падабаецца, што мы малюем адно аднога за хвіліну, і ніхто не крыўдуе, бо гэта нармальна -- касыя вочы , крывая усмешка і подпіс знізу "Таня". Current Mood: surprised (Comment on this)
Thursday, October 2nd, 2008
8:41 pm	Смачна есці!! Сёння нам распалядалі пра карысць лазання па памыйках хімічнай вытворчасці!!! Я думала, пасля такога становяцца зялёнымі і з бліскучымі вачыма.. Ат не! Карысна-карысна!! Намазваем алюміневым гуталінам фанеру, складаем і запіхваем гэты бутэрброд у печ-прэс.. Але тэмпература там ужо не 135, а толькі 95 градусаў, каб не падгарэла! Сэканомленую энергію можна разглядаць як прыбытак з гэтага смачна есці!! Гы-гы! Можа фанера і насамрэч смачна.. Бо кладуць жа людзі зубы на паліцу, грызуць.. а яны то і фанерныя бываюць.. з гуталінам.. (Comment on this)
Saturday, September 27th, 2008
11:35 am	Дабранач, рыбка Усё пачалося ўчора, калі маці прынесла дадому пакет. Я па інэрцыі цапнула яго і без задняй думкі пацягнула на кухню. Па форме нібы бынаны, па вазе -- не падобна. І тут апынулася -- рыбка. Адна, але якая вялікая!! Маці сказала, каб я паклала яе ў лядоўню, бо зараз гатаваць яе няма ніякага часу. Я ўжо адчыніла лядоўню і тут высветлілася, што яна цалкам жывая!! Мы ўпершыню набылі жывую рыбу!! Рука як паднялася так і апусцілася. Яна ж жывая!!! Далей я развярнулася і запусціла яе ў ванну. Яна і паплыла пузам да верха, выдыхаючы кроў з жабраў.. Страшнае відовішча. Сапраўды страшнае, калі ванна напаўняецца згусткамі крыві, а вада становіцца чырвонай.. Я плакала. Са слязьмі на вачох я так і выйшла з дому. Так ехала ў марштрутцы. Сядзела на лекцыі. Ну што гэта за такое? У дзяцінстве спакойна чысціла ЖЫВУЮ рыбу, а тут? Мне ж не 5 год, а ў 4 разы больш!! І сорамна, і смешна, і шкада.. Заплюшчваеш вочы, і адразу бачыш яе паўметровую.. і ванну крыві. Больш ніколі не будзем набываць жывую рыбу!! І мажліва для яе ж было б лепш -- замерзнуць і канец. Але калі ўявіць сябе ёй. Адчуць, што яна адчуе.. Маці сказала, што прырэжа яе, каб я не бачыла, як Амур ( а гэта Белы Амур!) мучыцца. Да канца дня я ўжо змірылася з тым, што яго больш няма.. А ўвечары тэлефануе маці і пытаецца чым яе карміць!! Амур узяў ды і ачуняў і стаў жывенька плаваць па ваннай!! Як высветлілася, хлеб ён не кушае і сухую марскую капусту таксама. Я пажадала рыбцы добрай ночы і пайшла спаць. А ад самай раніцы маці ходзіць з адным пытаннем: што з ёй рабіць, бо ванна патрэбна, а засмажыць яе цяпер паспрабуй толькі!!! Вось такая рыбка. (6 Comments |Comment on this)